Tier las turas dad orchideas dils 26 da matg e 2 da zercladur han ils menaders Sepp Zemp e Luis Poltéra saviu mussar 15 dallas total 27 differentas sorts orchideas da Sagogn en fluriziun.
Buca mo las Pantoflas-Nossadunna han fascinau ils participonts.
In grond engraziament a Sepp Zemp ed al team dall'ustria Maria Meyer e Steffi Poltéra
Las tablas dallas orchideas e dalla senda dad orchideas han stuiu vegnir allontanadas ils 20 da fenadur 2018. Pervia dalla schitgira haveva ei neginas orchideas en fluriziun pli.
Il matg/zercladur eran suandontas orchideas marcadas cun tablas, surtut sin la runda da Planezzas:
 Orchideenwanderwege in Sagogn, Flims und Laax | [Orchis 1/2018] | 328 kB |
La tura dils 26 da matg ei vendida ora, ils 2 da zercladur ha ei aunc plazs libers.
Ils 30 d'avrel ha la Pro Sagogn plantau ulteriurs 8 pumers aults ell' anteriura parcella da pégns blaus. Aschia sepresenta quei curtgin puspei en sia anteriura fuorma ed a siu nez d'antruras. La Pro Sagogn po cheutras schurmegiar la tschenta da pumera sut il Vitg dadens e meglierar il maletg dil vitg.
| Artechel ella Ruinaulta dils 11-05-2018 | [ ] | 119 kB |
Igl avrel 2018 ha la Pro Sagogn cun agid da voluntaris e requirents d'asil dil Löwenberg eregiu ina nova seiv tipica locala sut la tschenta da pumera el Vitg dadens. Suenter che era ils pégns blaus ein vegni remplazzai cun pumera aulta ei la tschenta da pumera el Vitg dadens puspei cumpletada ed il maletg dil vitg ha saviu vegnir embellir.
Pro Sagogn engrazia a tut ils proprietaris ed als fauturs per lur sustegn e surtut als fetg luvrus gidonters per lur engaschi. In special engraziament va ad Ernst Hess per siu grond agid e per sias invenziuns che han gidau considerablamein da realisar quei project.
Fotografias dalla construcziun dalla seiv
| Greenstyle Foundation Förderprojekte 2017/18 | [ ] | 1277 kB |
| Artechel ella La Quotidiana dils 09-05-2018 | [ ] | 589 kB |
La senda Fandrels denter Encarden e la baselgia catolica ei puspei aviarta. Ella meine gest sper la seiv nova, che la Pro Sagogn ha realisau sut la tschenta da pumera, ora.
En cunvegnientscha culs proprietaris ed ils purs dil terren pertuccau ha la Pro Sagogn realisau quella nova senda provisoricamein. Buca bandunei la senda e rimnei per plascher ensemen Vies rumien ed ils excrements da Vos tgauns. Sper quella senda cuan utschals spezials en ignivs silla tiara. Perquei ein tgauns da tener vid la tschenta. Aschiditg ch’ei dat neginas reclamaziuns sa la senda restar aviarta. Duront la pasculaziun (vaccas mumma!) resta la senda serrada.
Engraziel per Vossa capientscha.
In grond engraziament als proprietaris ed als purs, surtut a Peter Zinsli, Valendau, che han possibilitau la senda
Ils pégns blaus ein naven
Ils 9 d'avrel 2018 ha la Pro Sagogn astgau pinar ils pégns blaus ella tschenta da pumera aulta. Ussa vegnan plantau enfiarlas da pumera aulta e construiu ina seiv tipica da lenn. Aschia vegn il maletg dil vitg embellius. In grond engraziament ad Annalisa e Gion Cavelti ed alla vischnaunca Sagogn per lur grond sustegn ed al Revier forestal Sagogn-Laax per la stupenta lavur.
Contribuziun sin RTR ils 09-04-2018
Fotografias dil pinar ils pégns blaus
| Artechel ella La Quotidiana dils 13-04-2018 | [ ] | 550 kB |
| Artechel ella Ruinaulta dils 13-04-2018 | [ ] | 544 kB |
Seniester: Gina Buchli, Sagogn, la victura tier ils carschi
miez: Deia Cavelti, Sagogn, victur tier ils affons
dretg: Flurin Veraguth, Sagogn, victur tier ils affons pigns
In grond engraziament a tuttas e tuts participonts e sin seveser da gliendisgis Pastgas 2019.
Fotografias dil ruclar ovs 2018
Contribuziun el Radio Romontsch dils 02-04-2018
| Artechel el Bündner Tagblatt dils 03-04-2018 | [ ] | 1221 kB |
Las victuras ed ils victurs dil 7avel turnier da troccas dils 26-01-2018
Cun Laura Jemmi, Cuera, ha per l'emprema ga ina dunna gudignau il turnier. La giuvna trochista ha dumignau l'entira concurrenza, schizun la nova campiunessa grischuna da troccas, Renata Cathomas (cul matg da flurs). Cunquei che Renata, la menadra dil turnier, ei separticipada ord concurrenza ei Toni Steger, Glion (seniester) vegnius secund e Peter Montalta, Schluein (dretg), tierz.
Cordialas gratulaziuns allas victuras ed als victurs, specialmein era alla nova campiunessa grischuna da troccas 2018, Renata Cathomas.
In grond engraziament
- alla menadra dil turnier, Renata Cathomas per lur engaschi e per ils bials diploms dall' artista Yvonne Gienal ch'ella ha sponsurau
- alla famiglia Cantieni, numnadamein al organisatur dil turnier Johann, a sia dunna Jeannette per l'ustria ed a siu fegl Tarcisi per far la gliesta da rangaziun
- a tut las participontas e tut ils participonts per lur preschientscha.
Igl atun 2018 organisescha la Pro Sagogn puspei in cuors da dar troccas per entscheviders. Annunzias tier Johann Cantieni tel. 081 921 33 68 / 077 448 01 28 ni per mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein! .
| Artechel ella Ruinaulta dils 02-02-2018 | [ ] | 164 kB |
| Artechel ella La Quotidiana dils 30-01-2018 | [ ] | 262 kB |
| Rangaziun turnier 2018 | [ ] | 24 kB |
...giavischa la Pro Sagogn.
La galaxia sur Sagogn ha Sebastian Müller, Flem, fotografau igl emprem d'uost 2017 circa allas 00:51 uras. Deplorablamein ei la via da latg buca visibla aschi'intensiva per igl egl human sco per in apparat da fotografar.
Dapli fotografias da Sebastian Müller sut: www.instagram.com/openfocus_photography
Ils 3 da december 2017 ha la Pro Sagogn astgau presentar il cudisch da Gion T. Deplazes "Sagogn e sia pumera". Sper igl autur che ha prelegiu ord siu cudisch ha la grafista Theres Jörger declarau co la presentaziun grafica d'in cudisch vegn elavurada. Il pomolog Gaudenz Zanetti ha mussau si con impurtonta che la pomicultura ei. Denter ils referats ha la flautista Ursina Brun sunau, denter auter sin ina rara flauta traversa da lenn.
Ursina Brun suna la flauta traversa da lenn. Igl autur Gion T. Deplazes, la referenta Theres Jörger ed il referent Gaudenz Zanetti teidlan.
Il cudisch sa vegnir empustaus tier Luis Poltéra, tel 079 440 69 39 ni per mail Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein!. Prezi: frs. 22.-, porto + frs. 3.-.
Il Volg Sagogn venda era il cudisch.
Fotografias dalla vernissascha
| Artechel ella La Quotidiana dils 18-12-2017 | [ ] | 193 kB |
| Referat Gaudenz Zanetti | [ ] | 119 kB |
